Әлмәт мәктәбе укучылары кабатланмас бәйрәмнәренең берсен үткәрделәр + ВИДЕО

"Сарман: иң яңа хәбәрләр", 21 февраль 2019 - 14:14

1196

Бүген Әлмәт төп гомуми белем бирү мәктәбендә 1 нче сыйныф укучылары кабатланмас балачак иленең иң матур бәйрәмнәреннән берсе булган Әлифба бәйрәмен уздырдылар.

1 нче сентябрьдән башлап бүгенге көнгә кадәр укырга, язарга өйрәткән тәүге дәреслекләренә, беренче укытучылары- Юнысова Әлфия Вәдүт кызына рәхмәт хисләрен алар матур шигырьләр, җырлар, дәртле биюләр аша җиткерделәр.Балаларны котларга әкият герое Шүрәле дә килде.Бәйрәмдә кызыклы уеннар да, табышмаклар да булды.Әлифба бәйрәме күңелләрдә матур хатирәләр калдырды.