Әлмәт авыл җирлегендә халык җыены үтте

Әлмәт авыл җирлегендә узган халык җыенында муниципаль район башлыгы Фәрит Хөснуллин үзе катнашты. Ул районда былтыр башкарылган эшләр, ирешелгән уңышлар турында сөйләде, 2017 елга планлаштырылган эшләрне атап үтте. Авыл җирлеге башлыгы Данияр Газизов җирлектәге мәсьәләләрне яктыртты. «Сарман» агрофирмасының «Якты көн»- Кәүҗияк бүлекчәсе җитәкчесе Илнар Мәрданшин, полициянең участок уполномоченные Илназ Бадыйков үз эчшәнлекләре юнәлешендә чыгышлар ясадылар. Ахырда бүләкләүләр булды, сорауларга җавап бирелде. Җыелышта районның оешма-учреждениеләре вәкилләре дә катнашты.

Энҗимә Габдрәхимова һәм Илнур Сибгатуөллин фотолары