Ләкенең "Иганә" ансамбле Сөлектә концерт куйды

Ләке авылының "Иганә" ансамбле Сөлек мәдәният йортында концерт күрсәтеп, халыкны рәхәтләндереп ял иттерде. Үзешчәннәрнең һәр чыгышы гаҗәеп матур, үзенчәлекле булды. Җырчылар Рафис Уразаев, Асия Мостафина, Валентин Кузьмин, Петр Петров, Зина Сорокина, Тамара Подзалова, Нина Малова, биючеләр Анна Гомәрова, Халидә Нәбиева, алып баручы Илгизә Сәлаховаларга сокланмаган кеше булды микән? Ачык йөзле, зур талант иясе, шушы дус, тату коллективның җитәкчесе - Раилә Асановага Шәрләрәмә авыл җирлеге башлыгы Наилә Хуҗина мактау кәгазе тапшырды.