Ләкедә Питрауны бәйрәм иттеләр

Кичә Ләке авылында Питрау бәйрәмен үткәрделәр. Халык рәхәтләнеп ял итте, күңел ачты, төрле уеннарда катнашты. Бәйрәмдә муниципаль район башлыгы Фәрит Хөснуллин, "Нөркәй" агрофирмасы директоры Вазыйх Гыйльметдинов катнаштылар, бәйрәм уңаеннан иң матур теләкләрен җиткерделәр. Ләке авыл җирлеге башлыгы Лилия Шәрипова, бәйрәмне ачып, күңелле яллар теләде. Ләке мәдәният йорты сәнгать җитәкчесе Римма Тимирова бәйрәмне, чыннан да, матур итеп алып барды. Яраткан җырчыбыз Виталий Агапов җитәкчелегендәге иҗат төркеме, "Игәнә", "Айбагыр" ансамбльләре чыгышларын алкышларга күмделәр.

Тулырак язманы газетабызның алдагы саныннан укыгыз.