Җәлиллеләр рәсемне оста ясыйлар

Шушы көннәрдә район үзәк китапханәсендә узган "Туган як табигатен саклыйк" дип аталган рәсем конкурсына йомгак ясалды. 16-20 яшьлекләр арасында Р.Мостафина (Җәлил бистәсе) беренче урынны алды, А.Нәбиев (Чукмарлы авылы) икенче урынга ия булды. 14-15 яшьлекләр арасында җиңүче булып А.Ушкова (Җәлил бистәсе) танылды. Икенче урынны ике кеше бүлде: Б.Мадьяров һәм А.Солтанова. Икесе дә - шулай ук Җәлил бистәсеннән. Өченче урынны О.Антонова алды (Ләке авылы).

Аерым номинацияләрдә И.Галиева (Шыгай авылы), Э.Кызрачева һәм И.Әхмәтҗанова (икесе дә - Җәлил бистәсеннән), С.Асанова (Ләке авылы), Л. Сафина (Сарман аграр көллияте) җиңделәр.