Җәлилдә ветераннарны бүләкләделәр

Җәлил бистәсендә яшәүче 12 сугыш ветераны бүген Татарстан Республикасы Президенты Рөстәм Миңнехановның Бөек Җиңү уңаеннан юбилей бүләкләрен алды. Район Башкарма комитеты җитәкчесенең социаль мәсьәләләр буенча урынбасары Индира Сәхипова, Җәлил бистәсе җирлеге башлыгы Ирек Вафин, бистә Советы эшләре белән идарә итүче Эльза Булатова, һәрберсенең йортында булып, ветераннарның үзләре белән очраштылар, сувенир продукциясен - урын-җир комплекты тапшырдылар, изге теләкләрен җиткерделәр.

Сарманда һәм авыл җирлекләрендә яшәүче сугыш ветераннары һәм инвалидлары да әлеге бүләкне алачак. Районда бүгенге көндә 48 сугыш ветераны яши.