Җәлил игезәкләре Эльвира белән Эльмираның тормышлары могҗизаларга бай

Җәлил бистәсендә могҗизалы тормышлы игезәкләр Эльвира һәм Эльмира Сафиуллиналар яши. Аларга бу елның 31 июлендә 28 яшь тула, икесе дә кияүдә. Ничек фамилияләре туры килгән дисезме? Тыңлагыз. 2005 елда Эльвира Рамил Сафиуллин белән гаилә кора. 2009 елда Эльмира шулай ук Сафиуллин фамилияле булган Рәмис исемле егеткә кияүгә чыга. Могҗизалар моның белән генә бетми: 2006 елның 1 июнендә Эльвира белән Рамилнең Рәнис исемле малайлары туа. Ә дүрт елдан соң, шулай ук 1 июньдә, Эльмира Рәсүл исемле малай алып кайта. Мондый могҗизалы тормышка ничек сокланмыйсың ди?