Җәлил гимназиясе вәкилләре полиатлон һәм ГТОда җиңделәр

10-11 март көннәрендә Казан шәһәрендә генерал-майор Фатых Булатов истәлегенә полиатлон (кышкы өч төр ярыш) һәм ГТО буенча Татарстан Республикасы чемпионаты һәм беренчелеге үтте. Район данын Җәлил гимназиясе вәкилләре якладылар. География фәннәре кандидаты Ришат Әхмәтов җитәкчелегендә ярышларда тугызынчы сыйныф укучысы Алсу Зәйнетдинова һәм унынчы сыйныф укучылары Айнур Ногманов белән Азат Гафаров катнаштылар. Алсу үз категориясендә өченче урын алды. Ришат Әхмәтов ветераннар арасында җиңүче булып танылды, диплом һәм ДОСААФ оешмасыннан медаль белән бүләкләнде. Гомумкоманда зачетында Сарман районы бишенче булды.