Җәлил бистәсенең 2540 санлы сайлау участогында тәмле пирожкилар да саттылар

Районның сайлау участокларында иртәдән сәүдә дә гөрләде. Халык коймак белән кайнар чәй эчеп, өйдәгеләрне сыйларга күчтәнәчләр дә алып кайтып китте. Поселокның кинотеатр бинасында урнашкан сайлау участогына да иртүк тәмле-тәмле камыр ризыклары алып килделәр. Беренче тапкыр сайлауларга килүчеләр дә, өлкәнрәкләр дә алардан авыз иттеләр.
- Халык бездә элек-электән бик актив. Беренче тапкыр сайлауларга килүче егет һәм кызларыбызга бүләкләр дә әзерләгән идек. Участогыбызның иң өлкән кешесе – 92 яшьлек Рауза апа Туктарова да үзе килде сайлауларга, - диде комиссия рәисе Зөлфия Гарипова.

Альбина Сабирова