Кызыл карлыган шифасы

Кызыл карлыган үзенең файдалы үзлекләре буенча кара карлыганнан бер дә калышмый.

Аның җимеше генә түгел, яфрагы да файдалы. Кызыл карлыган салкын тигәндә ярдәм итә, тирләтә, температураны төшерә, җиңелчә генә эчне йомшарта. Аппетитны ача, матдәләр алмашын яхшырта. Карлыган согы азканлылыктан булыша, иммунитетны күтәрә. Җимешнең файдалы үзлекләре эшкәрткәннән соң да саклана.
Желе
Берәр стакан кызыл карлыган согы һәм шикәр комы кирәк. Шикәре эреп беткәнче яхшылап болгатырга. Бераз утта тотарга да була. Мондый желены банкага тутырып, полиэтилен капкач капларга һәм суыткычта тотарга кирәк.
Мармелад
1  кг кызыл карлыган, 0,5 кг шикәр комы кирәк. Карлыганны йомшарганчы пешерергә. Аннан иләктән үткәрергә, шикәр комы кушып, авырлыгы чама белән 1 кгга калганчы кайнатырга. Кайнар мармеладны юеш эмаль формага агызырга. Суынгач кискәләргә, шикәр комы сибәргә.
Морс
Кызыл карлыганны бераз су салып кәстрүлдә 2 минут пешерергә. Агач кашык белән изеп,тәменчә шикәр комы өстәргә һәм кайнатып чыгарырга. Кышка саклау өчен кайнар килеш банкаларга тутырырга.
Кетчуп
2  кг кызыл карлыган, 1 кг шикәр комы, 250 мл 5 процентлы шәраб яки аш серкәсе, 1 аш кашыгы дарчин, 2 аш кашыгы вакланган канәфер, 1 чәй кашыгы борыч кирәк. Карлыганны изеп, тәмләткечләрне кушарга һәм 20 минут кайнатырга. Кетчуп куергач, уттан алып, банкаларга тутырырга, тимер капкач белән капларга.

Чыганак: http://chelny-rt.ru/

Фото: Альбина Шакирова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде