Күтәмәле укучыларының мәшәкатьле көннәре

"Сарман: иң яңа хәбәрләр", 21 февраль 2019 - 10:00

1447

9 сыйныф укучыларының мәшәкатьләре шактый күп. Аларны төп дәүләт имтиханнарыннан тыш һөнәр сайлау мәсьәләсе дә борчый.

Бу мәсьәләдә булышучы булып һөнәри ориентация очрашулары да торалар. 18 февральдә шундый очрашуларның берсе Сарман аграр көллиятендә узды. Анда Күтәмәле мәктәбенең 9 сыйныф укучылары да катнаштылар (сыйныф җитәкчеләре - Фәйзрахманова М.И.). Алар машина-трактор паркына бардылар, тулай торак белән таныштылар, концерт карадылар. Очрашудан барысы да канәгать калдылар.