Колмәттән Рамил һәм Равил Шәйгалләмовларны армиядә грамота белән бүләкләделәр

Колмәт авылыннан игезәкләр Рамил һәм Равил Шәйгалләмовлар хәзерге вакытта Смоленск шәһәрендә хәрби хезмәт үтүләре турында без хәбәр иткән идек. Күптән түгел аларга 53821 хәрби часть командиры, майор Чумаков грамоталар тапшырды.

«Хәрби хәзерлектә яхшы күрсәткечләр, үрнәк итеп куярлык хәрби дисциплина, акыллы инициатива, хәрби бурычны үрнәк итеп үтәү һәм Бөек Ватан сугышында Җиңүнең 72 еллыгын билгеләп үтүдә катнашкан өчен бүләкләнәләр.

Сезнең алга таба да безнең бөек Ватаныбыз - Россия Федерациясе алдында патриотик бурычны намуслы үтәү үрнәге булып хезмәт итүегезгә ышанам», - диелә грамотаның эчтәлегендә.