Күкрәк билгесе белән бүләкләнделәр

"Сарман: иң яңа хәбәрләр", 10 август 2019 - 16:43

1702

Бүген районда Физкультурачылар көне билгеләп үтелде. Бәйрәм уңаеннан бүләкләр дә мулдан булды.

1 нче санлы спорт мәктәбе тренеры Эдуард Ихсанов, “Старт” спорт мәктәбе тренеры Айдар Гатауллин, 2 нче санлы спорт мәктәбе тренеры Геннадий Зыков, районда физкультура һәм спортны үстерүгә, яшь буынга спорт тәрбиясе бирүгә керткән зур өлешләре өчен, “Татарстан Республикасы физик культура һәм спорт отличнигы” күкрәк билгесе белән бүләкләнделәр. Аларга әлеге зур бүләкне район башлыгы Фәрит Хөснуллин тапшырды.