Кәүҗияк балалары сәяхәткә бардылар

Татар теле укытучысы Роза апалары аларга туган тел турында сөйләде, әкиятләр, шигырьләр, табышмаклар турында белемнәрен тикшерде. Балалар бик теләп Габдулла Тукай шигырьләрен атадылар, әкиятләрнең исемнәрен, табышмакларга җаваплар әйттеләр. Тарих укытучысы Рифат абыйлары мәктәп музеена чакырды, татар халкы, тормыш-көнкүреш әйберләре турында сөйләде. Татарстан Республикасы картасы белән таныштырып, телләр, республикада яшәүче халыклар турында аңлатты. Сәяхәт балаларга бик ошады.