Кәүҗияк балалары “Моңлы тамчы”да катнаштылар 

Кәүҗияк авылы мәдәният йорты каршындагы “Зөбәрҗәт” фольклор коллективы (сәнгать җитәкчесе – Наҗия Фатыйхова) шушы көннәрдә Буа шәһәрендә үткәрелгән “Моңлы тамчы” балалар фольклор коллективларының республика фестивалендә катнашты. Ул кич утыру йоласын күрсәтте һәм уңышлы чыгыш ясаганы өчен лауреат дипломы белән бүләкләнде. Коллектив якты йөз белән каршы алган оештыручыларга, транспорт белән ярдәм иткән мәдәният бүлегенә, шофер Ришат Шакировка, юлда балаларның сәламәтлеге турында кайгырткан Зур Нөркәй авылы шәфкать туташы Гүзәл Гатиятуллинага рәхмәтле.