Кәүҗияк авыл җирлеге халкы үзен борчыган сорауларга җаваплар алды

Кәүҗияк авыл җирлегендә халык җыены узды. Авыл җирлеге башлыгы Фиргать Хөснетдинов узган елда башкарылган эшләр турында сөйләде, быелга планнары белән уртаклашты. Аннан соң «Сарман» агрофирмасының «Якты көн»- Кәүҗияк бүлекчәсе җитәкчесе Илнар Мәрданшин, полициянең участок уполномоченные Илназ Бадыйков, авыл ветераннар советы рәисе Фәүзимә Шакирова чыгышлары тыңланды. Җыелышта муниципаль район башлыгы Фәрит Хөснуллин катнашты һәм районның 2016 елдагы социаль-икътисади хәле белән таныштырды.

Соңыннан халыкның сорауларына җаваплар бирелде, авыл җирлеге тормышында актив катнашучыларны бүләкләделәр.

Энҗимә Габдрәхимова һәм Илнур Сибгатуллин фотолары