Хөсникамал апаның йөзгә җитәргә исәбе бар

Әле яңа гына кебек, биш ел элек, юбилее белән котларга барган идек үзен. Сизелми дә, гомер узып киткән.
- Тутырабыз, яшибез әле, вперед-вперед, - диде шаян күңелле, җор телле юбиляр, үзенә 100 яшь гомер теләгәч.
Олуг юбилее белән ветеранны муниципаль район башлыгы урынбасары Гүзәл Гәрәева тәбрикләде, Рәсәй Президенты Владимир Путинның Котлау хатын, район башлыгы Фәрит Хөснуллинның истәлек бүләген һәм чәчәк бәйләме тапшырды. Ихлас теләкләрен район социаль яклау бүлеге начальнигы Лилия Гыйльметдинова, авыл җирлеге башлыгы Илфат Хәбибуллин, авыл ветераннар советы рәисе Гөлмира Ситдыйкова да җиткерделәр. Балалары, якыннары да ветеранны хөрмәт итеп, истәлек көнендә шатлыгын уртаклаштылар.