Кәүҗияк мәктәбендә укучылар ремонтланган ашханәдә тукланалар
Кәүҗияк мәктәбендә дә ашханә ремонтына сөенеп бетә алмыйлар.
Узган ел биредә санитария бүлмәсен төзекләндергән булганнар.
— Нефтьчеләр бәйгесендә грант отып, шул хисаптан туалетларны яңарттык, ашханәдә яңа раковиналар, кул киптергеч урнаштырылды, — диде мәктәп директоры Шамил Фатыйхов.
Түшәм-идән, стена ремонты өстенә аш-су әзерләү блогындагы бөтен җиһаз яңартылган. Яшелчә, ит, балык турау өстәлләре, иттарткыч, су җылыткыч, табак-савыт юу машинасы, киптерү урыннары, җиһазлары яңа хәзер.
— Чиләк белән мискиләр генә элеккедән калган. Башка бар нәрсә дә яңа. Төзүчеләр эшләрне вакытында төгәлләделәр, бик сыйфатлы эшләделәр, — диде директор һәм шундый матур ремонт өчен район, республика, мәгариф бүлеге җитәкчелегенә, нефтьчеләргә, төзүчеләргә олы рәхмәтләрен белдерде.
Бу хакта тулырак «Сарман» газетасының 15 сентябрь санында укыгыз.
Следите за самым важным и интересным в Telegram-каналеТатмедиа
Нет комментариев