Каташ Каранда балалар мәйданчыгына койма тоттылар

"Сарман: иң яңа хәбәрләр", 6 ноябрь 2021 - 17:08

818

Үзара салым акчалары хисабына узган ел Каташ Каранда да балалар мәйданчыгы алып урнаштырганнар иде. Быел ул урнашкан территорияне төрле төсле матур койма белән әйләндереп алдылар. Бәйрәм ялларында авыл халкы белән берлектә күңелле өмә оештырылды. Кемдер багана утыртса, берәүләр аларны буяп барды. Аннан, кипкәч, күмәк көч белән коймасын да тоттылар.
- Мәйданчык бик матур килеп чыкты. Катнашкан, өлеше кергәннәргә зур рәхмәт. Бигрәк тә яшүсмерләрнең дә ярдәм итүләре куанычлы, - ди Янурыс авыл җирлеге башлыгы Азия Мөхәммәдиева.