Карашайсаклаулылар узган елга йомгак ясадылар

Бүген, 17 январь көнне, Карашай Саклау авыл җирлегендә авыл җыены үткәрелде. Анда авыл җирлеге башлыгы Вероника Хөсниеваның узган елга отчеты тыңланды, "Нөркәй" агрофирмасы директоры Вазыйх Гыйльметдинов узган елгы эшләр белән таныштырды. Шулай ук полициянең участок уполномоченные Рәсим Сафин райондагы һәм җирлектәге криминоген хәлгә тукталды.

Җыелышта район башлыгы урынбасары Гүзәл Гәрәева катнашты һәм районның узган елгы социаль-экономик хәле белән таныштырды, башкарылган эшләр турында сөйләде. Җаваплы хезмәткәрләр, җыелышларда катнашкан район оешмалары җитәкчеләре һәм вәкилләре җирлек халкының сорауларына җавап бирделәр.

Җыелышларда шулай ук җирлекнең һәм районның социаль-экономик үсешенә лаеклы өлеш кертүчеләр, алдынгылар бүләкләнде.