Карашай Саклауда балалар сабантуе күңелле үтте +ВИДЕО

"Сарман: иң яңа хәбәрләр", 3 июнь 2019 - 09:01

1204

Карашай Саклау авылында, Халыкара балаларны яклау көне уңаеннан, 2 июнь көнне балалар сабантуе узды.

Бәйрәмдә катнашучыларны район Башкарма комитеты җитәкчесе Әлфис Мөхәммәтгәрәев, җирлек башлыгы Вероника Хөсниева сәламләделәр һәм матур тәбрик сүзләре ирештерделәр.
- Аллага шөкер, авылыбызда Фазлыев Бәһзәр абый кебек игелекле кешеләр бар. Бүгенге бәйрәмне оештыруга ул зур ярдәм күрсәтте, - диде Вероника Вячеславовна.
Сабантуй күңелле уеннарга, ярышларга бик бай булды. Балалар аларда рәхәтләнеп һәм бик теләп катнаштылар һәм бүләкләр алдылар.
Альбина Сабирова язмасы һәм видеосы.