Карашай Саклау һәм Шәрләрәмә авыл җирлекләрендә җыеннар узды

Карашай Саклау, Шәрләрәмә авыл җирлекләрендә узган җыелышларда халык активлык күрсәтте. Җыеннарда үткән елда башкарылган эшләргә йомгак ясалды. Иң элек һәркайсы үз җирлекләрендә җирлек башлыклары Ришат Әхмәтшин, Наилә Хуҗина чыгыш ясадылар. Көн тәртибе буенча икенче булып сүз "Нөркәй" агрофирмасы директоры урынбасары Хәлил Шәйхразыевка бирелде. Районның икътисади үсеше турында башкарма комитет җитәкчесе урынбасары Расих Әхмәдиев сөйләде. Халык участок уполномоченные Валерий Алексеев, район суд приставы җитәкчесе Азат Миннәхмәтов чыгышларын да игътибар белән тыңлады. Җирлекләрдә халык үзен борчыган сорауларны да күтәрде, эшләнгән эшләргә бәя дә бирде. Үзешчәннәр концерты, кул эшләреннән күргәзмәләр очрашуларга бәйрәм рухы өстәде.