Карашай Саклауда әфганчылар истәлегенә волейбол ярышлары үтте

"Сарман: иң яңа хәбәрләр", 19 февраль 2023 - 21:24

534

Бүген Карашай Саклау авылында волейбол буенча "Дуслык" турниры үткәрелде. Анда Минзәлә районы Кадрәк авылыннан да спорт сөючеләр чакырылган иде. Уенчылар иң элек авылның интернационал сугышчылары хөрмәтенә мәктәптә куелган истәлек тактасын ачтылар. Әлеге эш әфган сугышы ветераны Бәгзар Фазлыев тәкъдиме белән башкарыла.
Волейбол ярышларында Карашай Саклау волейболчылары җиңү яуладылар. Чураш командасы икенче булды. Кадрәк-1, Кадрәк-2 командалары 3-4 урыннарны бүлештеләр.