Иске Кәшердән Гөлшат Хәсәнова дусты белән пицца бүлешә алмыйча танышкан

"Дуслар белән - күңелле!" конкурсында чираттагы катнашучыбыз - Иске Кәшер авылыннан Гөлшат Хәсәнова.

- Ышанырсызмы,юкмы, дуслар, безнен дуслык калганнарныкы кебек башланмады. 972 көн элек без уку йортында пицца бүлешә алмыйча таныштык. Кеше ашаганда ашыйсы килә бит - бер сорыйсың, ике сорыйсың, өченчесен дә инде оялу башлана. Сина башка бирмиләр һәм син тартып аласын. Менә шулай башланып китте Сөмбел Кадыйрова белән дуслык - ул минем пиццаны тартып алды, ә мин, авыл баласы булгач, каушап калмадым, чәчен бер генә тарттым, пицца кире үземә кайтты. Менә шулай безнең дуслык башланып китте. Була шундый вакытлар, бер-беребезнең нерваларында уйныйбыз, талашабыз, сугышабыз. Аңа да карамастан, без - бик якын дуслар, - дип язды безгә Гөлшат.