Иске Кәшердә урам бәйрәме үтте

Кичә, 16 августта, Иске Кәшер авылында Урам бәйрәме үтте. Ул Совет урамында уздырылды. Халыкны бәйрәм белән авыл җирлеге башкарма комитеты җитәкчесе вазифаларын башкаручы Раян Дәүләтҗанов, "Бердәм Россия" сәяси партиясенең җирле бүлекчәсе җитәкчесе Ринат Шәрәфетдинов котладылар, сентябрь аенда булачак сайлаулар тәртибе белән таныштырдылар. Шул урамда яшәүче авылның күренекле шәхесе абыстай Галия Сираева дога кылды. Юбилярлар билгеләп үтелде, Совет урамының күренекле шәхесләре чыгыш ясадылар. Кичәдә җырлар яңгырады, кызыклы уеннар булды.