Иске Кәшердә Рәсимә һәм Мулланур Сөләймановлар гаилә учагын кадерләп саклыйлар

Гаилә - мәхәббәт һәм тугрылыкка корылган изге дөнья. Бер-берләрен яратып, аңлап, тату яшәүче гаиләләрдә балалар да,оныклар да тормышта дөрес юл сайлыйлар. Иске Кәшер авылында андый гаиләләр шактый. Рәсимә һәм Мулланур Сөләймановлар да гаилә учагын кадерләп саклыйлар, 4 баланы аякка бастыралар. Аларның бергә яшәүләренә - 24 елдан артык. Гаиләләре ныклы, матур. 15 май - Гаилә көне уңаеннан Сөләймановлар күп балалы, тату гаилә бәйгесенә туры килде. Алар үз тырышлыклары белән тормышның кадерен белеп яшиләр. Икесе дә фермада авыр эштә эшләсәләр дә, бәйрәмнәрдә, кичәләрдә актив катнашалар.