Исемең матур, кемнәр куйган?

Кичә, 4 апрель көнне, үзәк китапханәнең “Книгостайл” могҗизалар бүлмәсендә “Исемнәр бакчасы” дип аталган тематик кичә үтте. Анда гимназиянең 8 сыйныф укучылары катнашты. Гореф – гадәтләребезгә, гаилә традицияләренә кызыксыну уяту, гаиләң белән горурлану хисләре, кеше исемнәре, аларның мәгънәләрен аңлату турында иде элеге кичә. Ул җырлар, уеннар белән аралашып барды. Кичәне “Исемең матур, кемнәр куйган?” дигән китап күргәзмәсе бизәде, презентация күрсәтелде.