Илексазда "Нәүрүз"бәйрәме узды

Аны "Шәфкать" халыкка социаль хезмәт күрсәтү үзәге хезмәткәрләре бик эчтәлекле, һәркемгә ошарлык итеп оештырганнар. Балалар өчен төрле ярышлар, конкурслар бик кызыклы үтте. Җырларның да бәйрәмдә күңелгә дә яз алып килердәйләре яңгырады. Кыш бабай белән саубуллашканнан соң, Нәүрүзбикә керде, изге теләкләрен җиткереп, имин язлар, кояшлы көннәр теләде. Бәйрәмдә катнашучылар карга боткасыннан да авыз иттеләр, тәмле коймак белән сыйландылар. Соңыннан, бер начар гадәт тә калмасын дип, явызлыкны, эчкечелекне, тәртипсезлекне карачкыга тагып, аны яндырдылар.