САРМАН
  • Рус Тат
  • Илексаз укучылары дәрестә читек бизәп карадылар

    "Ак калфак" иҗтимагый хатын-кызлар оешмасы вәкилләре - бездә кунакта.

    Энҗе калфак, көмеш беләзек,
    Калын толым, нечкә бил – нәзек.
    Тәлир тәңкә, чиккән кулъяулык
    Югалмасын дисәң, шул байлык,
    Саклап калыр бары уяулык.
    Нинди гүзәллек! Бу киемнәр - безгә борынгылардан калган иң кадерле бүләк. Калфаклы, чулпылы хатын-кызларыбыз безнең милләттә генә булган.Ә аларны саклап калырга кирәк. Шул максаттан Илексаз төп гомуми белем бирү мәктәбендә Илексаз авылы мәдәният йорты каршында эшләүче "Ак калфак" иҗтимагый хатын-кызлар оешмасы вәкилләре  кунакта кунакта булдылар. Алар халкыбызның милли йөзен саклау, гореф-гадәтләрне, йолаларны кире кайтару максатыннан, ачык чара үткәрделәр. Укучылар халкыбызның милли аяк киеме – читек белән таныштылар, үзләре дә матур итеп читек ясап, бизәп карадылар. Һәркем теләп һәм күңел нурын җигеп ясады. Соңыннан укучылар, читекләрен тотып, горурланып сурәткә төштеләр.

    Нравится
    Поделиться:
    Реклама
    Комментарии (0)
    Осталось символов: