Илексаз мәктәбендә кечкенәләр яртыеллык эшләренә йомгак ясадылар

 “Әлифба бөйрәме – кечкенәләрнең яртыеллык эшенә йомгак ясау ул. Әле кайчан гына кулларына чәчәк бәйләмнәре тотып беренче тапкыр мәктәп бусагасын атлап кергәннәр иде. Хәзер инде алар укырга, язарга, матур итеп сөйләргә, хикәяләр төзергә өйрәнделәр”, – дип котлады аларны укытучылары Латыпова Саимә Фаязовна. Нәни укучыларны мәктәпнең укыту һәм тәрбия эшләре буенча директор урынбасарлары Хуҗина З.А., Хисаметдинова А.Ә., әти-әниләре дә тәбрикләделәр. Аннан соң укучылар үзләренең һөнәрләрен күрсәттеләр: матур итеп җырладылар, берсеннән берсе матур шигырьләр сөйләделәр. Бәйрәм күңелле узды.