Илексаз мәктәбе укучылары әбиләрне хөрмәтләделәр

Бөтен кешелек дөньясына ямь бирүче, елмаюлары белән иркәләүче, җылы карашлары белән назлаучы, акыллы фикерләре белән кешелеккә ак юл күрсәтүче сөекле әбиләр, дәү әниләр! Әбием! Әбекәй! Әби! Нинди ягымлы, нинди җылы сүзләр! Аны әйтү белән күз алдыбызга мөлаем бер илаһи зат килеп баса. Яше сиксәнгә җитсә дә, илледә генә булса да,...

Бөтен кешелек дөньясына ямь бирүче, елмаюлары белән иркәләүче, җылы карашлары белән назлаучы, акыллы фикерләре белән кешелеккә ак юл күрсәтүче сөекле әбиләр, дәү әниләр!

Әбием! Әбекәй! Әби! Нинди ягымлы, нинди җылы сүзләр! Аны әйтү белән күз алдыбызга мөлаем бер илаһи зат килеп баса. Яше сиксәнгә җитсә дә, илледә генә булса да, ул - кеше өчен изгелек чыганагы.

Гомернең сикәлтәле еллары артта калган. Маңгайларга сырлар төшкән, чәчләргә кырау кунган. Күңелләренә тормышның барлык хатирәләре сыйган. Ә киләчәккә ышаныч барыбер сүнмәгән. Тормыш авырлыклары да бу ышанычны сүндерә алмаган. Ак яулыклы татар әбисе!

Илексаз мәктәбендә дә оныклары бездә укый торган әбиләрне барладылар. Бар АЛАР, тик сафлары сирәгәйгән. Бары бишәү калган: Әминә әби Фәрхетдинова, Мәүлиха әби, Сәлимә әби Хуҗина, Римма апа Гайфетдинова, Рәмзия апа Харисова.

Укучылар алар белән очрашуга барып, бәйрәм белән котладылар, аларга үз куллары белән ясаган бүләкләрне тапшырдылар.

Хөрмәтле әбиләребез! Дәү әниләребез! Сез - тыйнак та, сөйкемле дә, сез - эшчән дә, түземле дә, сез - иманлы да, дәрманлы да. Сез - өйләребезнең яме,
ашларыбызның тәме. Дөнья йөген сез күтәргәнсез, гаилә учагын сүндермичә, сүрелдермичә, сез дөрләтеп торгансыз.

Әй сез, татар әбиләре,

Нур сибә йөзләрегез.

Шуңа күрә дә яз сыман

Сезнең чал йөзләрегез.

Чәчләргә ак карлар яусалар да,

Язлар яши сезнең күңелдә.

Өйрәнсеннәр яшьләр, сезгә карап,

Сокланырлык тормыш төзергә.

Гөләндәм Хәлиуллина, Илексаз мәктәбе директорының тәрбия эшләре буенча урынбасары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 22 июнь 2022 - 15:39
    Хәтер көне балалар өчен дә кирәк
  • 6 июнь 2022 - 08:01
    Районда «Иң яхшы автобус йөртүчесе» ачыкланды
  • Район егетләрен армиягә озаттылар
  • Крестьян-фермер хуҗалыклары басулары бәя алды
  • Районда «Иң яхшы автобус йөртүчесе» ачыкланды
  • Сарманлылар Сары тауны гөрләттеләр
  • Сарман сәнгать мәктәбе укучылары тамашачыларны иҗат кичәсенә җыйдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?