"Иң матур игезәкләр" конкурсында җиңүчеләр редакциядә кунакта булып киттеләр

"Сарман мәгълүмат-мөхәррият үзәге" тарафыннан уздырылган "Иң матур игезәкләр" конкурсында җиңгән Салават һәм Рамазан Яхиннар, Эльмира һәм Эльвира Вәлиевалар, Эльвира һәм Эльмира Сафиуллиналар безнең редакциядә кунакта булып киттеләр. Алар барысы да конкурсны бик ошатканнар, канәгать калганнар. "Әлеге конкурс туганнарның, дусларның бердәмлеген күрсәтте. Тавыш бирүдә хәтта күрше республикалар да катнаштылар", - ди игезәкләр. Җиңүчеләргә редакция исеменнән истәлекле бүләкләр тапшырылды. Район ЗАГС бүлеге баш белгече, Татарстан Республикасы Кеше хокуклары буенча вәкаләтле вәкилнең Сарман районындагы җәмәгать ярдәмчесе Гөлназ Шәяхмәтова игезәкләргә шулай ук иң изге теләкләрен җиткерде һәм тәмле күчтәнәчләр бүләк итте.

Шулай ук укыгыз:

Сарман районында "Иң матур игезәкләр" конкурсының җиңүчеләре билгеләнде