Газинур быел да беренче булды

"Сарман: иң яңа хәбәрләр", 26 май 2023 - 10:36

1329

Зәй шәһәрендә узган һөнәри осталык бәйгесеннән Сарман аграр көллиятенең 3 курс студенты Газинур Гайнетдинов быел да җиңү белән кайтты.

Ул “Киләчәк механизаторы” республика бәйгесендә 1 урынга лаек булды. Әлмәт авылы егете 2021, 2022 елларда да әлеге бәйгенең җиңүчесе булып танылган иде. Бәйгегә Газинурны мастеры Рафаэль Хөсәенов әзерләде.