Габдулла Тукай премиясе лауреатларына стела ачылуда геройлар үзләре дә катнаштылар

.

Татарстан Республикасының бөек шагыйребез Габдулла Тукай исемендәге Дәүләт бүләгенә ия мәртәбәле шәхесләр арасында безнең райондашларыбыз да бар. Горурлыгыбыз булган Илһам Шакиров, Аяз Гыйләҗев, Марсель Зарипов, Гөлшат Зәйнашева, Роберт Андреев, Клара Булатова, Мәдинә Маликова исемнәре безнең бай мираслы халык булуыбыз ңакында сөйлиләр. Аларның исемнәрен мәңгеләштерү, киләчәк буыннарга да тапшыру, зур хөрмәт күрсәтү йөзеннән, район үзәгенең кинотеатры мәйданчыгында стела урнаштырылды. Районнарда мондый истәлек такталары ясау тәкъдиме белән Марат Готович үзе чыккан иде. Стеланы бүген официаль рәвештә ачтылар. Тантанада ТР Дәүләт Советы Рәисе урынбасары Марат Әхмәтов, район башлыгы Фәрит Хөснуллин, яраткан шагыйрәбез Клара Булатова һәм композитор – Татарстан гимнына әверелгән “Мин яратам сине, Татарстан” җырының авторы Роберт Андреев катнаштылар.
- Минем мөрәҗәгатьне ишетеп алганыгыз өчен, Фәрит Мөнәвирович, мин бик сөенәм. Җиде лауреаты булган район республикада тагын бар микән әле? Бу район халкының милли үзенчәлеге, рухи фәлсәфи тирәнлеге турында сөйли. Әлеге гамәл милләтебезнең матур традицияләрен саклап, киләчәк буынга җиткерер өчен бик кирәк. Мондый чаралар милләтебезнең белемле, тарихлы, әдәбиятлы, мәдәниятлы халык булуына ишарәли. Әлеге сукмактан узып йөргән һәркем үзенең райондашлары белән горурлансын, - диде Марат Әхмәтов.
Фәрит Мөнәвирович кунагыбызга истәлеккә, олуг юбилейларга атап, махсус чыгарылган “Сандугачлар моңы булып, Сарман кала хәтердә” дип исемләнгән китап тапшырды.

Альбина Сабирова язмасы, фотолары һәм видеолары 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар