Фотобәйгенең җиңүчесе билгеле

Эт елы уңаеннан, без Интернет-кулланучылар арасында "Тугры дус белән бергә" фотоконкурсы игълан иткән идек. Ниятләгәнчә, аңа искечә Яңа елда йомгак ясарга булдык. Бер көн дәвамында барган кискен көрәш - тавыш бирү нәтиҗәсендә җиңүчебез билгеле булды. Ул - Җәлил бистәсеннән Илназ Могыйнов Тавыш бирү туктатылган сәгатькә бәйгедә катнашучыбыз 946 тавыш җыйган иде. Башка катнашучылардан кискен аерма белән алда булуының дөреслеген без җентекләп тикшердек, һәм аларның реальлеге расланды. Иң күп комментарийларны да нәкъ менә аңа калдырганнар. Барлык катнашучыларга һәм тавыш бирүчеләргә без ихластан рәхмәтебезне җиткерәбез, тормышларында иминлек, сәламәтлек телибез. Киләчәктә дә безнең белән булыгыз, хөрмәтле дуслар!