Эксперт: 20 фандомат 12 миллион шешәне чүплек урынына яңадан эшкәртүгә җибәрә ала
600 тонна пластик һәм алюминийны яңа товарга әйләндерергә мөмкин, дип саныйлар “РТ-Инвест”та.
Моның, ягъни 12 миллион тирәсе шешә һәм банканы яңадан эшкәртүгә җибәрү өчен 20 фандомат җитә. Бу хакта “РТ-Инвест” компаниясе матубгат хезмәтендә хәбәр иттеләр. Бу кадәр тараны бер ел эчендә пилот проект барышында җыярга мөмкин, диелә хәбәрдә.
Шунысы да билгеләп үтелә – тара җыю буенча барлык аппаратлар Россиядә эшләнгән булачак. Моңа кадәр “Татаринформ” “РТ-Инвест”ның ай ахырына кадәр Татарстан башкаласында беренче фандоматлар – тара кабул итү буенча автоматлар урнаштырачагы турында хәбәр иткән иде. Ә Казан мэриясе тапшырылган пластик шешәләргә алмашка акча бирә торган 3 мең фандомат урнаштырырга планлаштыра.
Следите за самым важным и интересным в Telegram-каналеТатмедиа
Нет комментариев