Чаллыда театр директорын ашыгыч ярдәм хастаханәсенә бүлек мөдире итеп билгеләгәннәр

Армандо Диамантэның ике югары белеме бар, аның берсе психология юнәлеше буенча. 

Чаллыда «Мастеровые» рус драма театры директоры Армандо Диамантэ яңа вазифага билгеләнде. Хәзер ул Ашыгыч медицина ярдәме хастаханәсенең «Медицина+» түләүле хезмәтләр бүлеге мөдире булып эшләячәк. Бу хакта «Татар-информ”га хастаханәдә хәбәр иттеләр. 

Армандо Диамантэ театрдагы һәм хастаханәдәге эшен берьюлы алып барачак. Ул инде «Медицина+» бүлеге белән таныша башлаган. Армандо Луиджиевич агентлыкка үз фикерен белдерүдән баш тартты, документлар теркәү эше әле бетмәгән диде. Баштарак «Татар-информ» хәбәрчесе белән аралашканда, ул театрның үзе өчен бизнес булуын, хәтта аэропорт белән дә шулай ук уңышлы идарә итә алырга мөмкин булуын әйткән иде. Театр белән җитәкчелек иткәнче, Диамантэ җирле телевидениенең берсе белән идарә иткән.  

БСМПда мондый гадәти булмаган сайлауны Диамантэның нәтиҗәле менеджер булуына бәйләп аңлаттылар. Администрация фикеренчә, бүлектә нәкъ менә шундый идарәче кирәк тә икән, монда төп юнәлешләрнең берсе — предприятиеләрдә һөнәри тикшерүләр уздыру. Шулай ук Армандо Диамантэның ике югары белеме бар, өстәвенә, аларның берсе — психология юнәлеше буенча, бу медицинага якын.

«Армандо Диамантэ — эш башкаруда үзенчәлекле алымнар куллана һәм яңа идеяләр тәкъдим итә. Аның уй-фикерләре БСМП бүлегенең эшен камилләштерер дип ышанабыз. Чөнки безнең өчен иң мөһиме — кешегә юнәлгән булу. Ә ул — бу юнәлештә театрда күп эш башкарды. Һәр пациент үзенең безнең өчен мөһим булуын белергә тиеш һәм Армандо Луиджиевич моңа ирешә алыр дип ышанабыз», — диделәр хастаханәдә.

Социаль челтәрләрдә театр директорының хастаханәгә куелуы турында бик кызу фикер алышалар. «Россия — мөмкинлекләр иле!» «СССРда атом сәнәгате министры итеп агроном куелганнан соң Чернобыль булды», «Минем дә актерлык белемем бар, гинеколог буласым килә, кемгә мөрәҗәгать итәргә икән?» «Нигә цирк директорын гына куймаганнар?» дип шаяртып һәм гаепләп язалар. Шулай ук «Бөтен хастаханәләрдә дә икътисад буенча урынбасар бар, анда табиб белгечлеге булу мәҗбүри түгел. Тавышланмагыз!» дип язучылар да бар.

ЧЫГАНАК

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:28
    Сарманлылар Гаилә көнен бәйрәм иттеләр
  • 9 июль 2021 - 11:25
    Сарманлылар Гаилә көнен бәйрәм иттеләр
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар