Чаллыда яшәүче ир-ат мошенникларга 1,6 млн сум һәм автомобилен бирде

Татарстан буенча Эчке эшләр министрлыгы мәгълүматларына сылтама белән «Татар-информ» мәгълүмат агентлыгы хәбәр итүенчә, җинаятьчеләр ир-атны ун көн дәвамында алдаган.
Башта явыз ниятлеләр посылка илтү хезмәткәрләре булып шалтыратканнар һәм СМС-кодны белешеп, аның шәхси кабинетына да, банк счетларына да керү мөмкинлеген алганнар. Тиздән аның белән үзләрен хокук саклау органнары хезмәткәрләре дип таныштырган ялган вәкилләр элемтәгә кергән. Алар ир-атны имештер шикле операцияләр өчен җинаять җаваплылыгы белән куркыта башлаганнар.
Көчле психологик басым астында калган ир-ат 1 млн сумга кредит алган, үз машинасын саткан һәм барлык акчасынмошенниклар счетына күчергән. Үзен алдауларын аңлагач, Чаллы кешесе полициягә мөрәҗәгать иткән. Әлеге вакыйга буенча җинаять эше кузгатылган, полиция мошенникларны эзли.