Россия көне белән!

Россия көне белән!

Бүген - 12 июньдә без Ватаныбызның иң яңа тарихындагы үзенчәлекле дәүләт бәйрәмен – Россия көнен билгеләп үтәбез. Халык аны милли бердәмлек, теләктәшлек, тынычлык көне буларак бәйрәм итә.
Татарстан – илнең аеруча актив үсештә булган төбәкләреннән берсе, ә Сарманыбыз  республикада лаеклы үз урынын алып тора. Безнең тормышчан куәтебез гасырлар буена шушы җирдә яшәгән төрле милләт кешеләренең бер-берсенә хөрмәтенә һәм ышанычына нигезләнә. Без хезмәт сөючән, талантлы, туган-яшәгән җиренә файда китерергә омтылган кешеләребез белән көчлебез. Уртак максат белән берләшеп, кирәкле нәтиҗәгә ирешүдә ныклык, булдыклылык һәм инициатива, хезмәт теләктәшлеге күрсәтеп, без тормыш сыйфатын яхшырту юлында теләсә нинди катлаулы бурычларны да җиңеп чыга алачакбыз. Бүгенге бәйрәм көнендә сезгә нык сәламәтлек, тормышыгызда, эшегездә уңышлар, гаиләләрегезгә иминлек, бәхет телим.

Фәрит Хөснуллин, муниципаль район башлыгы