Бу рекламамы, әллә Сарманны пычратумы?

Үзәк базар, вокзал, йорт коймаларында нинди сары кәгазьләр элгәннәр, әллә инде Яңа елга бизәү эшләрен башлаганнармы, дип кызыксынып карасак, кибеткә акция уңаеннан чакыру куйганнар икән. Менә яхшы, искиткеч, әле бүләге нәрсә диген, бер шешә шампан шәрабы! Бушка эчәсең килсә, рәхим ит. Менә замана! Югыйсә, закон буенча, теләсә кайда реклама кәгазьләре ябыштыру тыела. Реклама реклама белән, ә менә җирдә яткан, очып йөргән чүпне кем җыештырыр икән? Экология елында анысына да аерым акция үткәрәбезме әллә, "Магнит"лылар?