Бүгеннән районда санитар-экологик икеайлык игълан ителде

Әйләнә-тирә мохитне саклау мәсьәләләренә киң җәмәгатьчелекнең игътибарын җәлеп итү, экологик тәрбияне көчәйтү, торак пунктларны санитар чистарту, аларның санитар-эпидемиологик һәм экологик куркынычсызлыгын тәэмин итү максатыннан, район Башкарма комитеты җитәкчесенең 28 мартта имзалаган 43нче санлы боеырыгы нигезендә, районда 1 апрельдән 31 майга кадәр санитар-экологик икеайлык игълан ителде. Аның чаралар планына торак пунктларны яшелләндерү, су хуҗалыкларының санитар зоналарын булдыру, чишмәләрне төзекләндерү, юллардагы чокыр-чакырларны ремонтлау, юл кырларын чүп-чардан арындыру, йортлар тирәләрен тәртипкә китерү һәм башка эшләр кертелгән. Авыл җирлекләре арасында икеайлык буенча  һәм шәхси хуҗалыклар арасында «Иң төзек йорт» конкурслары игълан ителеп, җиңүчеләр район Сабантуенда бүләкләнәчәкләр.