Бүген – телефон аппаратының туган көне

Аның башлангычы телеграфтан юл ала. 1876 елның 7 мартында Америка галиме Александр Белл нәкъ менә аның камилләштерелгән моделен тәкъдим итә. Соңыннан бу дата телефон аппаратының туган көне дип билгеләп үтелә башлый. А.Белл үзенең ачышын җәмәгатьчелеккә Филадельфиядә Бөтендөнья күргәзмәсе вакытында тәкъдим итә. Соңыннан аның мөмкинлекләрен Парижда Халыкара күргәзмәдә күрсәтә. Гаҗәеп ачыш әйтеп бетерә алмаслык кызыксыну тудыра. Бит ул арадан торып элемтәгә керү мөмкинлеге турындагы күзаллауларны тамырдан үзгәртә.