Бүген сугыш корбаннарын искә алабыз

Бүген – Хәтер һәм кайгы көне. Иң кайгылы көннәрнең берсе булып, ил тарихына кереп калган 22 июньне Хәтер һәм кайгы көне буларак билгеләп үтәбез.

Нәкъ шул көнне - 1941 елның 22 июнь таңында фашист Германиясе илебезгә каршы сугыш башлый. 1418 көн һәм төн барган канкойгыч бәрелештә Советлар Союзы 27 миллион кешесен югалткан. Тыныч көннәребез хакына гомерләрен кызганмый көрәшкән батырларның даны мәңгелек.