Бүген сарманлылар Бөек Җиңү көнен бәйрәм итәләр

"Сарман: иң яңа хәбәрләр", 9 май 2019 - 12:07

2143

Бүген Бөек Җиңүнең 74 еллыгы уңаеннан район үзәгендә зур тантана үткәрелде.

Бәйрәмгә җыелган халыкны район җитәкчелеге исеменнән район башлыгы Фәрит Хөснуллин тәбрикләде. Татарстан Республикасы Суд департаменты идарәсе начальнигы урынбасары Рамил Рамазанов район халкына республика Президенты Рөстәм Миннехановның бәйрәм котлавын җиткерде. Сарманлылар белән бәйрәм шатлыгын Татарстан Республикасы Дәүләт Советы депутаты Марат Галеев уртаклашты. Ә ветераннар исеменнән Бөек Ватан сугышы ветераны Зиннур Газизов чыгыш ясады, халыкны бәйрәм белән котлап, кабат сугыш уты кабынмавын, илләр тыныч, күкләр аяз булуын теләде.
Зөлфия Шәрипова язмасы һәм фотолары.