Бүген районга республиканың спорт министры урынбасары килде

"Сарман: иң яңа хәбәрләр", 8 июль 2020 - 14:27

939

Районыбыз кунагы – республиканың спорт министры урынбасары Алмаз Мингуловны муниципаль район башлыгы Фәрит Хөснуллин каршы алды һәм озатып йөрде. Алар районның спорт объектларын карадылар. Алмаз Минвазыйхович Җәлил беренче санлы урта мәктәбендә универсаль спорт мәйданчыгы ачу тантанасында катнашты, аннан поселокның “Старт” чаңгы базасында булды. Район үзәгендә төзелүче универсаль спорт залының подрядчылары белән очрашып, республика җитәкчесе үз тәкъдим-киңәшләрен җиткерде. Сарман урта мәктәбе территориясендәге чаңгы базасы ремонты белән дә танышты ул.