Бүген район христианнары Раштуаны бәйрәм итәләр

 Бүген – барлык христианнарның зур бәйрәме. Ул – правословиенең 12 иң бөек бәйрәмнәренең берсе. 1991 елдан башлап, Раштуа дәүләт югарылыгындагы бәйрәм булып санала һәм рәсми рәвештә ял көне дә булып тора. 
Бәйрәмгә кадәр христианнар пост тоталар һәм һәр нәрсәдә Иисус Христоска охшарга тырышалар. “Дога – күңел, ә пост – тән өчен”, - дигән Христос. Христианнар бу көнне рухи чистарыну белән башлыйлар: тыелган ризыкларны ашамыйлар, гөнаһларына тәүбә итәләр. Бу көнне күкләр Алласына догалар укыла. Бәйрәм табыннары әзерләнә һәм христианнар озакка сузылган посттан соң сыйланалар. 
Зөлфия Шәрипова язмасы