Алты райондашыбызны талпан тешләгән

 Ә район үзәк хастаханәсеннән хәбәр итүләренчә, бу бөҗәкләр райондашларыбызны да тешләргә өлгергән инде. 19 апрельдән башлап, 7 майга кадәр алты райондашыбыз ярдәм сорап, шифаханәгә мөрәҗәгать иткән. Белгечләр фаразлавынча, быел талпаннарның активлашу чоры 9 май тирәсенә туры киләчәк. Алар быел бу бөҗәкләрнең башка еллардагыдан усалрак, катырак тешләвен дә әйтәләр.
Күпләр уйлаганча, талпаннар агачта түгел, биек, куе үләнлекләрдә яшиләр. Шуңа күрә аларны урманда гына түгел, басуда да очратырга мөмкин. Этләр һәм кошларга ияреп, алар хәтта шәһәр урамнарына да үтеп керергә мөмкин. Сак булыгыз, хөрмәтле райондашлар!