Беренче исем аслары уйлап табылды

Быел “Сарман” газетасы чыга башлауга 90 ел тулу уңаеннан, матбугат үзәге ел дәвамында узачак бәйге-конкурслар җиңүчеләренә тугыз бүләк әзерләде. Без түбәндәге рәсемгә иң оригиналь исем уйлап табуга да конкурс игълан иткән идек. Беренчеләрдән булып исем асларын Сарманда яшәүче актив хәбәрчебез Илдус Фәйзуллин тәкъдим итте. Алар сезнең өчен дә кызыклы булыр дип уйлыйбыз:
1. “Светофор юк – нишлибез?
Ничә сәгать инде кешнибез”;
2. “Маскабыз булмагач, автобуска утыртмадылар”;
3. “Баш санын арттырыр өчен, бия капиталы артыннан йөрибез”;
4. “Туганыбыз зебра өстенә басып, юл аша чыгасы килми”.
Активрак булыгыз, хөрмәтле төркемдәшләр! Безнең бер бүләгебез, бәлки, нәкъ менә сезне көтәдер.