"Бердәм Россия" сәяси партиясенең Сарман җирле бүлекчәсе башкарма комитеты җитәкчесе билгеләнде

"Бердәм Россия" Бөтенроссия сәяси партиясенең Сарман җирле бүлекчәсе башкарма комитеты җитәкчесе вазифаларын башкаручы итеп Харисова Гөлүсә Мөхәммәтҗан кызы билгеләнде. Ул 1960 елның 20 ноябрендә Сарман авылында туган. 1981 елда Алабуга дәүләт педагогия, 2010 елда Социаль һәм гуманитар белемнәр институтын тәмамлый. Хезмәт юлын Морбаш сигезьеллык мәктәбендә укытучы буларак башлый. Соңыннан Игәнәбаш мәктәбендә эшли, ВЛКСМның район комитетында инструктор, Кама Тамагы районы мәгариф бүлегендә методист, Чаллы шәһәре мәктәбендә укытучы, район эчке эшләр, ведомстводан тыш сакчылык бүлекләрендә кадрлар буенча инспектор, район эчке эшләр бүлегендә паспорт-виза хезмәте, миграция мәсьәләләре буенча район бүлекчәсендәз начальник вазифаларын башкара.