Балаларны яклау көнендә район Пенсия фонды идарәсендә "кайнар линия" эшләячәк

1 июнь - Халыкара балаларны яклау көнендә Россия Федерациясенең Татарстан буенча Пенсия фонды бүлекчәсе пенсия белән тәэмин итү һәм ана капиталы турында сораулар буенча кайнар линия ача.

Бу көнне сәгать 9.00 дан 17.00 гә кадәр Татарстан Республикасы буенча 8-800-100-26-27 түләүсез кайнар линиясе телефоннары эшләячәк. Пенсия фонды бүлекчәсе белгечләре ана капиталы сертификатын алу, аны куллану буенча һәм башка пенсия фондына кагылышлы сорауларга җавап бирәчәкләр.

Сораулар белән Сарман районы Пенсия фонды идарәсе белгечләренә дә 2-50-53, 2-50-52 телефоннары аша мөрәҗәгать итәргә мөмкин.